Video link - репортажа за Р. Скала

Ratkova Skala reportage -кникнете за да ја погледнете репортажата за регионот Р Скала

Затварање на проектот 20.12.2011

На 20.12. во Белград во Хотел М се одржа последниот настан на проектот "ЕУ политики и стратегии за животната средина". Координаторот на проектот, Вероника Фердинандова од IUCN го отвори настанот со своја презентација за изминатите 2 години и активностите на овој проект, а потоа координаторите од трите партнери земји (Македонија, Србија и Црна Гора) ги презентираа своите студии на случај. Беше претставена и македонската студија (на ДЕМ) која се однесува на  земјоделските практики на регионот Раткова Скала и е изработена од проф. Сузана Кратовалиева.

Студијата за Раткова Скала е објавена на веб стараната на ДЕМ.
Кликни ОВДЕ за студијата.
Репортажата за регионот Раткова Скала може да се гледа на овие линкови:
Линк 1 (прв дел)
Линк 2 (втор дел)

СТУДИСКО ПАТУВАЊЕ - БУГАРИЈА

Од 5ти до 10ти Декември 2011-та година се одржа студиското патување низ Бугарија, една од најклучните активности на проектот "ЕУ политики за животната средина", на која беа присутни членови на друштвата на ДЕМ, како и фармери од регионот Р. Скала.

Предавањата започнаа во Софија со Андреј Ковачев од Balkani Wildlife Society кои пренесе бројни искуства и проблеми со кои бугарските невладини се сретнале во процесот на заштите на бројни реони и паркови во државата. Следеше посета на Националните паркови Рила и Пирин со предавања од Александар Дунчев, посета на Кресна Гора и сместување во Био Хотел кој произведува своја органска храна. Следеа бројни посети на фарми, презентација на бугарската агро-еколошка програма во Биоселена, посета на локална винарија и сл. Турата заврши во Софија со предавањето на Вјара Стефанова за примери на Рурален развој во Бугарија.

мапа од изминатиот пат

 

Повеќе фотографии наскоро!!!

Презентација - 3ти Декември 2011

На 3-ти декември 2011год. се одржаа средбите на Проектната управна група и на Мрежата за креирање на политики во рамките на проектот „Промовирање на земјоделството со високи природни вредности и агро-еколошк плаќања преку граѓанските организации во Македонија“.

Целта на овие средби беше презентација на проектот со постигнатите резултати во втората година од неговата реализација, презентација на Предлог мерки за политики кои го поддржуваат ВПВ земјоделието во областите каде се работени студии на случај од д-р Сузана Кратовалиева и активностите кои ќе се реализираат до крајот на проектот. Лидерот на проектот Вјара Стефанова ги презентираше предлог директните плаќања и рурален развој за периодот 2014 до 2020год. во рамките за Заедничките земјоделски политики на ЕУ.

На крајот од средбата присутните дискутираа за предлог мерките за политики кои го поддржуваат ВПВ земјоделието во областите каде се работени студиите на случај со цел истите да се надополнат.

Следни активности кои треба да се реализираат се:



-          Подготовка на Прирачник за Високо природни вредности во Македонија  – со вклучување на сите клучни проектни резултати/заклучоци на македонски и англиски јазик

-          Ќе следат уште по еден состанок на Проектната управна група и Мрежата за креирање на политики

-          Ширење на проектните резултати – со организирање на тркалезни маси, прес конференции, манифестации

-          Комуникациска кампања во организација на ДЕМ и локалните НВО членки, со цел да се промовираат „скриените вредности„ на традиционалното неинтензивно земјоделие, во Македонија.

СПАС ЗА ВЕЛЕС

На 9ти Септември се случи најмасовниот протест досега организиран во Велес. Сите со здружени сили излеговме на плоштадот Самармаале да го покажеме својот револт и несогласување за отварањето на Топилницата. ДЕМ со сите свои членки беше присутна на настанот. Доста беше труење, СПАС ЗА ВЕЛЕС!

Протест против топилницата во Велес

Велешката топилница во осумдесетите направи еден белег врз жителите на Велес што до ден денес се чувствува. Последиците од труењето од некои тешки метали ги видоа и постарите, но пред се помладите генерации. Топилницата е најголемиот непријател на овој град, дури е наречена и велешкиот Адолф Хитлер. По 8 години неработење, се најавува повторно стартување на оваа фабрика. Да им се придружиме на велешани на 9ти Ноември - денот на ослобудување на Велес за овој град да се ослободи еднаш за секогаш од овој немилосрден убиец! ДЕМ ќе ги поддржи во 17.00 часот на плоштадот Сармаале, поддржете ги и вие: топилницата не смее повторно да проработи!!!

Повеќе за последиците од топилницата во филмот "Велес Kaputt" кој е ставен на Youtube.
ВНИМАНИЕ: експлицитни фотографии и снимки!!! КЛИКНЕТЕ ТУКА ЗА ФИЛМОТ.

ЛИНКОВИ

http://www.plusinfo.mk/vest/21287/Rodi-me-majko-so-srekja-i-chuvaj-me-vo-Veles-za-da-zabolam

Е-курс за учење на Заедничката Земјоделска Политика (ЗЗП)

За сите заинтересирани кои сакаат да научат повеќе за Заедничката Земјоделска Политика (ЗЗП или CAP), Groupe Dе Bruges организира бесплатен онлајн курс за историјата на ЗЗП и нејзиниот политички контекст.
Курсот е наменет за студентите на земјоделство, земјоделско стопанство, рурална социологија, агрономија итн. Учесниците можат да се регистрираат почнувајќи од 1ви ноември 2011.

За повеќе информации, видете ја брошурата.

Обука за градење на капацитетите на граѓанските организации за политиките на ЕУ поврзани со природата

Тренингот се одржа од 24ти до 28ми октомври во Ваљево, Србија. Вероника Фердинандова и Борис Ерг од IUCN ги поздравија присутните и дадоа краток вовед во политиките кои се значајни за овој тренинг.

Првиот ден се зборуваше за Еколошките Мрежи, концепт претставен од Лоренс Џонс-Волтерс од ECNC. Еколошките поврзување се дискутираа и на вториот ден заедно со концептот за Зелена Инфраструктура, како и важноста на EIA и SEA. Овие сесии ги држеше Биотоп, а исто така организираше работилница која го симулира процесот на EIA и SEA со учесниците кои дејствува како стејкхолдери. На третиот ден се зборуваше за NATURA2000 - концептот на управување и претставување на пошироката јавност. Следниот ден Марк Редман зборуваше за централна политика на ДЕМ во проектот, Политикта за Рурален Развој и на ЗЗП. Имаше сесија за Земјоделство со Висока Природа Вредност , како и идни политики, промени и нови можности. На петтиот ден беше организирана екскурзија до Ваљевските планини, каде што учесниците идентификуваа видови и живеалишта и го симулираа процесот на назначување на еден сајт како локација од CI или SPA.

ДЕМ беше присутна со учесници од нејзините членки - Еко Мисија и ЕД Злетовица, и учесници кои доаѓаат од други поканети НВО-а како Еко-Скоп, ЦеПроСАРД, Greener, Bivium, и Еко-Свест.

                                           Работилница за HNV земјоделство на Балканот

                                              Натура2000 и Анексите за Птици и хабитати

                                             Теренско патување во Ваљевските планини

Ваљевски планини

ПОКАНА ЗА ТРЕНИНГ 24ти-28ми Октомври 2011 пријавете се до 14.10.2011!!!

За сите кои се дел од некоја организација поврзана со животната средина:

Со задоволство ве известуваме дека набрзо ќе се одржи тренинг работилницата која е дел од нашиот проект во соработка со IUCN, "ЕУ политики и стратегии за животната средина во Југоисточна Европа: Градење на капацитети за имплементација за ЕУ политиките и стратегиите за животна средина во Македонија, Црна Гора и Србија". Тој ќе трае од 24ти до 28ми Октомври а ќе се случува во Ваљево, Србија. Темите кои ќе бидат покриени на овој тренинг се концептот на Зелена Инфраструктура, разгледување на влијанието врз средината, НАТУРА2000, како и регулативите за руралниот развој на Европската Унија. 

Присуството на здруженијата на граѓани е од особено значење за овој тренинг бидејќи тие ќе бидат преносители на пораката и идните тренери во своите земји. 

Затоа доколку сметате дека можете да ги одговорите следните прашања, пријавете се во текот на следната недела (најкасно до петок 14.10.2011) со биографија за вашата огранизација на  ekologisti_mk@yahoo.com со мејл насловен ТРЕНИНГ.

 

1) како е вашата организација инволвирана во имплементација/ развој на политиките на ЕУ поврзани со животната средина?

2) како здобиените знаења од тренингот ќе бидат пренесени назад во организацијата?

 

Биографијата и информациите на овие две прашања да не бидат подолги од 1-2 страни. 

Повеќе информации ќе има наскоро на нашиот блог, а оние кои ќе не исконтактираат ќе добијат официјална покана. Патните трошоци и сместувањето се покриени од страна на организаторот.

За било какви детали или прашања, пишете ни.

 

Мрежа за климатски одговор

На 21-ви, 22-ри и 23-ти Јуни 2011, во просториите на Црвен Крст на Република Македонија се одржа работилницата насловена “Национална работилница за адаптација и одговор кон климатските предизвици – Работилница за развој и донесување на заеднички приоритети и политки". Работилницата е дел од ЕУ ИПА проектот ”Форум на југоисточна Европа за Адаптација кон климатските промени” и беше организирана од страна на Црвен Крст кој на овој проект соработува со Австрискиот Црвен Крст. ДЕМ пристапи кон предложената иницијатива за соработка и стана членка во националната мрежа од граѓански организации "Мрежа за климатски одговор". Мисијата на мрежата вклучува соработка помеѓу членките, подигање на свеста за климатските промени кај пошироката јавност како и промоција и усвојување на стандардите за климатска заштита кај најранливите групи.

Повеќе информции:
CCA Forum
Официјалната страна на Црвен Крст

Трета работилница во Жабљак, Црна Гора

На 29/30 Март 2011 во Жабљак, Црна Гора се одржа и третата работилница од проектот, којa се однесуваше на Зелената Инфраструктура. Работилницата беше под наслов Интегриран пристап за употреба на земјиште - "Зелената Инфраструктура како дел од ЕУ пост-2010 политиките за биодиверзитет." и траеше два дена од кои вториот беше наменет за посета на Црно Езеро. Организатор и домаќин на работилницата беа Зелените на Црна Гора, кои заедно со IUCN подготвија успешна работилница. Претставници од ДЕМ беа присутни на работилницата.


Повеќе за работилницата ОВДЕ.
СИМНИ Power Point презентации

Работилница во Пробиштип

На 25ти и 26ти Ноември оваа година се одржа втората работилница од проектот "ЕУ политики и стратегии за животната средина во Југоисточна Европа: Градење на капацитети за имплементација за ЕУ политиките и стратегиите за животна средина во Македонија, Црна Гора и Србија" овојпат во Пробиштип во организација на ДЕМ заедно со IUCN.

Работилницата беше насловена "Градење на капацитети - поддршка на развој и имплементација на агро-еколошки мерки". Учесниците ги поздрави и добредојде г-динот Ранко Давитков од регионалната канцеларија во Пробиштип за Земјоделство, Шумарство и Водостопанство.

Вероника Фердинандова од IUCN
говори за ЕУ политиките за средината

Темите кои беа опфатени во текот на првиот ден беа:
-Вовед во регионот Раткова Скала
-Биолошката разновидност на Раткова Скала и потребата за зачувување
-Тековни земјоделски практики
-ИПАРД-спроведување на процесот
-ЕУ-политики за животна средина (Заедничката земјоделска политика - CAP)
-Политички рамки за спроведување на агро-еколошки мерки
-Воведување на можности за имплементација на Бугарија на АЕ шеми
-HNV земјоделство во Македонија
-Поврзување на Хидросистемот со руралното земјоделството во регионот

Руска Мицева од ДЕМ зборува за
Земјоделство со Високи Природни Вредности

Вториот ден имаше патување до Хидросистемот, која покри дел од регионот Раткова Скала кој се користи за земјоделството и сточарството.

Блаже Стефановски од хидросистемот "Злетовица"
ја објаснува врската меѓу водите и руралното земјоделие

Рибникот "Злетовица"

На работилницата учествуваа повеќе од 30 учесници: Министерството за животна средина, Агенцијата за поддршка во земјоделството и руралниот развој, Министерство за земјоделство, шумарство и водостопанство, Еколошко Друштво Злетовица, Асоцијација на приватните шуми, Земјоделци и сточари од села во регионот, Министерство за Животна средина, сектор Природа, Општина Пробиштип, Хидросистем Злетовица, Државен инспекторат за животна средина, Унија на Земјоделско Машински Кругови во Македонија, Универзитет Кирил и Методиј, Еколошко друштво Молика - Битола, Еколошко друштво Еко Мисија - Скопје, Европскиот форум за заштита на Природата EFNCP, Државен институт за заштита на природата на Србија, Канцеларија на REC - Црна Гора како и нашите партнери Зелените од Црна Гора и Друштвото за заштита и проулување на птици на Војводина.


Настанот беше покриен од локална телевизија и радио станица, а се спомена и во статија во Дневник .


Power point презентации од работилницата:
Биодиверзитет и важноста на конзервацијата на Раткова Скала
Политичка рамка за имплементација на агро-еколошки шеми
Промоција на земјоделие со високи природни вредности (HNV)
IPARD програмата во РМ
Тековни земјоделски пракси во Македонија
Градење капацитети на ЕУ политики за природа
Имплементација на АЕ во Бугарија - предизвици и можности за една нова ЕУ земја членка

Раткова скала на прв поглед - видео материјал:



или ТУКА.

Информации за CAP:
The CAP explained
Questions and Answers about the CAP
Europeans and the CAP

Работилница во Зрењанин

На 27-28 Октомври во Зрењанин, Србија се одржа првата работилница од проектот "ЕУ политики и стратегии за животна средина во Југоисточна Европа: Градење капацитети за имплементација на ЕУ политики и стратегиите во Македонија, Црна Гора и Србија" организирана од страна на партнерите од Србија, Друштвото за заштита и проучување на птици на Војводина заедно со IUCN.

Работилницата беше насловена "Градење капацитети - подршка на имплементацијата на директивите на ЕУ во областа на животната средина". Работилницата покри многу теми за регионот Потамиш и неговото значење за ЕУ, почнувајки од предавање за моменталната ситуација на природата и нејзината заптита во Србија до еколошкиот статус на регионот, историскиот и социјален развој на регионот, природните вредности, како и ЕУ директиви и НАТУРА 2000. Како дел од работилницата беше огранизирана и работа во групи во која групите дискутираа на две теми- потенцијалните придобивки од прогласување на подрачјето како НАТУРА 2000 подрачје и целите на управување со регионот Потамиш во Војводина.

Вториот ден од работилницата беше теренска екскурзија низ регионот. Учесниците со автобус посетија 8 локации кои ги отсликуваат вредностите и активностите во Потамиш. Беше посетен и рибникот Баранда за кој имаше и предавање.

На оваа работилница присуствуваа 4 претставници од ДЕМ како партнер во проектот и огранизатор на следната работилница која ќе се одржи во Македонија.

Повеќе за работилницата ТУКА.

Аларм за Природата

Изминатиот месец ДЕМ се приклучи на Еко саемот во Љубаништа кој се случуваше во склоп на фестивалот АЛАРМ во организација на НВО Бивиум кој траеше од 25ти до 27ми Јуни 2010.

На еко програмата која содржеше активности од типот на еко фото работилница, школа за цртање стрипови, изработка на машина за рециклирање, сончева печка, и слично ДЕМ се претстави со работилница за ЕКО филм и изработка на еко инструменти.

Бевме пријатно изненадени од големата заинтересираност на луѓето да седнат и да изработуваат инструменти со нас. Покрај работилницата, ДЕМ на својот штанд нудеше бројни постери и брошури за организацијата и нејзините членки како и CD-а од предходни активности.

Нашиот штанд

Нашата работилница за еко инструменти

Изложба на некои од инструментите кои ги изработивме: на крај имавме два пара тропалки од песок и пластични капачиња, две тропалки со метални капачиња кои симулираат звук на дајре, кастањети како и разни други тропалки.

За повеќе информации за еко акцијата Аларм за Природата ОВДЕ.

Ден на Планетата Земја

Првиот Ден на планетата Земја се одржа на 22-ри април, 1970 година. Идејата за името на овој еколошки празник дошол од едноставниот факт дека Earth Day се римува со Birthday. Уште од 1970 година, Денот на планетата Земја стана се повеќе популарен и значаен во светот.

Во чест на роденденот на Земјата, на 22 април, ние имавме интересна активност во градинката "Кочо Рацин": шарено предавање за заштита на природата и рециклирање.

Конференција во Хотел Континентал на 30ти Март

На 30-ти Март 2010 година во Хотел Континентал се одржа воведен состанок за проектот на кој присуствуваа претставници од различни државни институции (МЖСПП, МЗШВ), институти, факултети, претставници на граѓански организации, агенции и други.
Работилницата ја отвори и присутните ги поздрави г-ѓа Лидија Зафировска, државен секретар во МЖСПП, модератор – Мартиен Ланкестер, извршен директор на АВАЛОН, а презентери беа: Марк Редман, проектен лидер, Тамсин Купер, консултант од Институтот за европска политика за животната средина и Робертина Брајаноска од МЕД.
Бидејки конференцијата се одржа на истиот датум со Денот на Дрвото, некои од нас по завршувањето отидоа да посадат дрво.

Повеќе слики...

Тренинг во Велес на тема: Промовирање на земјоделство со високи природни вредности и агро-еколошки плаќања преку граѓанските организации во Македонија

Земјоделството може да биде закана за природата, на пример преку употребата на високо ниво на пестициди и ѓубрива, губење на живеалиштата и нивните карактеристики, несоодветно управување со земјата. Но, одредени видови на земјоделство – на пример: одгледување добиток, традиционални постојани култури – се од суштинско значење за опстанокот на природата. Затоа земјоделство со високи природни вредности (HNV) е земјоделство кое е компатибилно со природата.

Токму на оваа тема од 26-ти до 28-ми март во Хотелот Романтик на Велешкото Езеро се одржа тренинг за претставниците на локалните организации на Движењето. Целта на овој тренинг беше да се обучат локалните организации како и соработниците за аспектите на концептот за високи природни вредности, вклучувајќи ја и политиката за рурален развој од Европската Унија.

Говорниците на овој тренинг беа Тамзин Купер, Марк Редман и Кејли Харт.

Тамзин Купер го претставува HNV Концептот

Марк Редман предава за земјоделството со Високи Природни Вредности во Романија

Презентацијата на Кејли Харт за агро-еколошките плаќања

Проектот се спроведува заеднички од страна на Движењето на екологистите на Македонија - ДЕМ и Центарот за граѓанска иницијатива (ЦГИ), во соработка и со поддршка на две меѓународни невладини организации – Авалон од Холандија и Институтот за европска политика за животната средина (IEEP) од Велика Британија.

Ова е проект за зачувување на природата.....но со разлика!

За ДЕМ

Движењето на Екологистите на Македонија - ДЕМ е невладино, непрофитабилно и аполитично здружение. Тоа е национално здружение кое вклучува 23 локални еколошки невладини организации како редовни членови.

ДЕМ е основана во 1990 година како неопходност да ја координира работата на постоечките локални групи. ДЕМ е членка на Пријателите на Планетата Земја (FoEI), CEEWEB, YEE, и CPM. Исто така, ДЕМ има добра соработка и комуникација со невладините организации од соседството.

Целта на ДЕМ е да се подигне јавната свест во врска со заштитата на животната средина, одржлив развој и заштита на природата.

Активистите на ДЕМ организираат различни видови на активности како на пример: лобирање, организирање на јавни кампањи, тркалезни маси на конкретни теми во врска со животната средина, разговори со експерти, јавни средби за локалните проблеми, секаков тип на директни акции, протести, објавување на летоци, брошури, постери, билтени, обуки, работилници, предавања во основните и средните училишта и др.

Некои од многуте проекти на ДЕМ:

Кампања за заштита од пожари

Кампања за подигање свест за ГМО во Македонија

За повеќе информации, посетете ја нашата веб страна:
www.dem.org.mk